Jorda rundt frå Borgundfjorden

Fiskerimuseet
01. March 2018
Doors open at 19:00
Doors closes at 23:00
Event starts at 19:00
http://www.sunnmoremuseum.no/arrangement/jorda-rundt-fraa-borgundfjorden/

Vårtorskefisket i Borgundfjorden har eksistert i uminnelege tider. Det har spela ei viktig rolle i framveksten av Ålesund som by, og det har ført fisk og folk ut i verda. Det har skapt spennande kulturmøte og det har gitt oss nye smaksopplevingar.
Torsdag 1. mars kl 19:00 inviterer Fiskerimuseet til temakveld om klippfiskhandelen frå Ålesund til Spania og Portugal. På denne reisa ut i verda får vi også oppleve portugisisk fado og nyte smaken av gode klippfiskrettar.
Vi har fått med oss historikar Trudi Henrydotter Eikrem som har forska på importen av klippfisk til Spania og Portugal i 1800 – åra. Ho har også interessert seg for den kulturelle utvekslinga som må ha gått føre seg. Eit døme er den portugisiske fadoen.
Det er ikkje mange som syng fado her til lands, men modige Anita Valderhaug har tatt utfordringa. Anita har brei erfaring fra teater og musikk, og jobbar til dagleg som musikar og teaterpedagog. I møte med nye uttrykk og utfordringar beheld ho alltid ei sterk kjerne av særpreg. I senter står formidling av tekst og nerve. Ho har tidlegare jobba med argentinsk tango av Piazolla, og ikkje minst, eigne tolkingar av Edith Piaf sitt repertoar. Sprengkrafta i uttrykket ligg i risikosona og denne gangen er det ikkje mindre enn Portugal si sjel som skal formidlast.

Fado er ein særeigen portugisisk musikktradisjon som har eksistert sidan 1800-talet, og den må ha kome ålesundske sjøfolk for øyrene. I eit elles bråkete lokale i Lisboa blir det stille når lyset blir dempa og nokon seier: Stille. Det skal syngast fado. Musikken har sin heilt særeigne klang og tekstane fortel om smerten i det uforløyste, om lengten etter forløysing, skilt av havet, som ei bokstavleg barriere eller som metafor. Mangt i desse tekstane kan vi kjenne att. Vi tømte sorger og henta trøyst i salmane, medan portugisarane fann fadoen.
Vi har også fått med oss Klippfiskakademiet som vil servere smakebitar av gode klippfiskrettar. Råvarene er lokale, oppskriftene er internasjonale. Vi gler oss til å smake det kokkane Ole Christian Skogen og Tiago Lopes lagar til oss.

Vel møtt til Jorda rundt frå Borgundfjorden!
Stad: Fiskerimuseet, Molovegen 10, Ålesund
Tidspunkt: Torsdag 1. mars kl 19:00
Billett: 150 NOK, Tikkio.com og på døra
Sal av drikkevarer

This event has concluded already.

Privacy and User Data

When you visit tikkio.com, you agree that we use cookies. These are small data files sent from our website and stored on your computer. These are absolutely necessary for the solution to work in terms of navigation, login and ordering [Read more]

Approve