Konsert med Gunn Kvaale og We Met In June på Silda 12.07 kl 1700

Vi i Silda Vel er glade for å kunne invitere til konsert med Gunn Kvaale og duoen We Met In June!

Konserten er planlagt utandørs, i telt, så kle dykk etter vèret. Skulle det bli skikkelig uvèr vert konserten flytta inn i Grendahuset (skulen).

Det vert sett opp ekstra båtrute Selje-Barmen-Flatraket-Silda t/r og retur til Måløy i samband med konserten.

Gunn Kvaale er ein ambisiøs popartist frå Sogndal som på kort tid har blitt eit kjent namn for mange. Ho vart kåra til Årets Nykommar på Luttprisen 2022 og fleire av låtane hennar har blitt lista nasjonalt på NRK P1 og P3. Tidlegare i år kom debutalbum Eit fullt møblert hjarte ut.

We Met In June er ein duo som består av Sara Rose Zadig og Gjest Kvåle. Duoen har skapt sitt eige musikalske uttrykk, i landskapet mellom folkpop og americana.

Under Luttprisen i år vart Gunn Kvaale kåra til Årets artist og We Met In June kåra til Årets nykommar.

Ordinære båtruter
Frå Måløy (Lektaren) til Silda:
Kl 0930, 1245

Frå Silda til Måløy:
Kl 1000, 1305

Det vert sett opp ekstrarute:

-Silda - Måløy med avgong kl 1900 (avgong kaia) og kl 2230 (avgong Skjærbuda)
- Måløy - Silda med avgong kl 1830
Obs! Avgrensa tal plassar.

-Selje - Barmen - Flatraket - Silda
Frå Selje kl 1520, retur kl 1900
Informasjon om og billettar til turen Selje - Barmen - Flatraket - Silda på www.fjordguidingselje.no