Herøy gard

Herøy gard ligg på ei lita øy i Flåværleia i Herøy kommune, og staden har vore ein sentral plass i regionen i meir enn 1000 år. Øya er kjend for sine trygge hamner, som møtestad og kyrkjestad, og seinare handelsstad. Kystmuseet er den gamle handelsstaden som var i drift frå 1770-1916. Bygningane på tunet er autentiske, og i husa kan du oppleve interiør frå ulike tidsepokar, fiskereiskapar og båtar. Ein rekonstruksjon av ei Sunnmørsjekt, «Anna Olava», kompletterer den idylliske handelsstaden og har heimehamn på museet. På Herøy gard fins også: - turistinformasjon, - stoppestad i kystpilegrimsleia (stempel og kvilebu) - krambu med lokale varer (sommarhalvåret og ved arrangement) - museumskafé med nysteikte vaflar, is, brus, kaffi og te - eit nydeleg natur- og rekreasjonsområdet - kyrkjestad og kulturminne