Sunnfjordingen Øyvind Selvik skriv og spelar «alternativ viserock på nynorsk» under namnet Selvik. Det musikalske utrykket kan vere både energisk og melankolsk, med fine vokalharmoniar. Saman med dei treffande nynorske tekstane får det heile eit fengande og melodiøst preg.
Han har tidlegare gjeve ut albuma «Amerika» (2019) og «Kapittel 2» (2021), og no er han straks klar med sitt tredje album. Tittelen på det nye albumet er «Lang historie» og dette skal markerast skikkeleg med sleppfest og konsert i Nynorskhuset laurdag 4.mai!
Øyvind Selvik - Vokal og gitar
Mathilde Ravndal Gjelsvik – Vokal og gitar
Richard Herland - Slagverk og perkusjon
Harald Løkeland – Bass
Nynorskhuset i Førde er ein perfekt stad å markere ei slik utgjeving, og vi håpar at mange tek turen for å oppleve ny og nynorskspråkeleg musikk som er produsert her i området. Restauranten Røyst mat & vin i Nynorskhuset er ope heile kvelden.
Sjølve konserten føregår på Scene 2, rett ved sida av restauranten. Konsertstart er kl 20:30.