Generalforsamling i Sogn og Fjordane Næringsråd

Sogn og Fjordane Næringsråd skal i år ha Generalforsamlinga på Kviknes Hotel i vakre Balestrand måndag 13. og 14. mai. Vi startar med lunch kl 1130.

Hovudtema på den opne delen av Generalforsamlinga dette året er verdiskaping og rekruttering i eit generasjonsperspektiv, og vi har lagt Generalforsamlinga til eit av dei flottaste reisemåla i heile landet. Nytt av året er at vi har samlinga over to dagar med overnatting og enkelt program om morgonen 14. mai.

Reiseliv er ei av dei viktigaste vekstnæringane både nasjonalt og lokalt. Det er også ei av dei næringane som skaper nasjonale verdiar saman med anna næringsliv i heile landet. Utfordringa er i denne næringa slik som dei fleste andre næringar tilgang på kvalifisert arbeidskraft. Dersom det ikkje bur folk der desse bedriftene er blir det heller ikkje næringsutvikling og verdiskaping. Dette kan vi også snu andre vegen, dersom det ikkje bedrifter og næringsutvikling bur det heller ikkje folk.

Sogn og Fjordane Næringsråd har invitert mange spennande innleiarar som skal snakke om dette. Vi har også invitert nasjonale ungdomspolitikarar og andre ungdomspolitikarar for å snakke om generasjonsperspektivet i desse utfordingane.

Med aukande demografiutfordringar vil landets kommunar minus dei største byane sjå dramatisk annleis ut om 10-20 år. Kva må på plass for at unge vil flytte frå dei store byane og til desse kommunane for å skape noko?

Dette skal vi finne ut av i fellesskap i vakre Balestrand så vel møtt til til eit spennande program og ei trivelig samling.