Sunnylven samfunnshus inviterer deg til skikkeleg feststemning laurdag 18.mai!
Det blir stand up med sjølvaste Maria Stavang kjent frå både Kongen befaler og 71 grader Nord. Stavang som går under aliaset Piateed starta karriera si på Youtube, og mottok nykommerprisen i 2016 på Humorfest i Bergen. Ho er for tida aktiv med podcasten Vittigpod og fleire stand up show.
Seinare på kvelden kjem pianoentertainer Kjetil Grodås som er ein kjent mann for dei fleste. Han underheld med kjente toner som definitivt vil bidra til allsangfaktor og partystemning.
Det er langhelg og mai - så her er det berre å legge planar om ein heilaften på Sunnylven samfunnshus med gamle og nye kjente!