HAUSMANIA KULTURHUS: Hekate

HEKATE:

Hekate er ein nyetablert vokaltrio som utelukkande syng musikk ein kan danse til. Alle tre har utmerka seg som soloartistar på den norske musikkscena, og no har dei slått seg saman for å gi publikum det dei endå ikkje veit at dei vil ha - ein time med kompromisslaus kveding i klubbsetting.
Repertoaret består av slåttemusikk frå heile landet, framført vokalt og med improvisasjon som eit av hovudelementa. Målet er at publikummet vårt ikkje har sjans til å stå stille når me sett i gang.


Dei tre stemmene i trioen er både ulike og like, og dette bidreg til å skape eit dynamisk lydbilete med eit breitt spekter av klang. Dei hadde sin debutkonsert på Tuvas blodklubb på Riksscenen, og skapte der eit rom med dans, lytting og begeistring for slåttemusikken. Sidan då har dei vore eit heitt samtaletema i folkemusikkmiljøet i Norge.

Musikk: hekate-trio.com/music-1