Med Restauration gjennom Hell Gate til Det Lova Landet

Dei første som drog: Ei forteljarforestilling om det første norske emigrantfølgjet, ved forteljar Anne Elisebeth Skogen

Kvifor reiste 52 små og store frå Norge til Amerika i 1825? Kven var dei? Korleis var overfarten over Atlanteren i ein overfylt båt, og vegen vidare i eit framand land?

Gjennom denne forteljinga blir tilhøyrarane teke med tilbake til sommaren 1825. Ved Bispebrygga i Stavanger låg seglskuta Restauration fortøyd. Om bord på dekk sto eit følgje på over femti menneske, barn, ungdomar og vaksne. Dei var reiseklare, klare til å vinka eit siste farvel til slekt og venner. Og dei skulle langt, over sjølve Atlanterhavet til Amerika.

Kven var desse menneska, kvifor reiste dei, korleis ble overfarten og kva skjedde vidare då dei nådde New York?

Det er forteljar Anne Elisebeth Skogen som fortel historia. Ho har jobba som dramalærar i kulturskolen i Suldal og som frilans forteljar gjennom Forteljarkokeriet i mange år. Denne forteljinga har ho fortald mange gonger, med og utan musikar, på norsk og engelsk, for vaksne, ungdomar og barn. Ho har hatt fleire turnear for Den Kulturelle Skulesekken i Rogaland, Hordaland og Vestland, delteke på festivalar og turnert i sju statar i USA, mellom anna i Mindekirken i Minneapolis, Minnekirken i Chicago, i Washington, Norway Feast i Decorah, i biblioteket i Omaha Nebraska og i fleire avdelingar i ”Sons of Norway” i USA og fleire gonger hatt førestillingar i den norske sjømannskyrkja i New York.

Bli med på ei utruleg, men sann reise gjennom forteljarkunst og historie.

Arrangementet er del av Kulturverndagane 2025, som i år har temaet HJEM – Utvikling, utvandring, utveksling og utvandrerjubileet Crossing 2025. Utvandrerjubileet markerer nordmenns emigrasjon og hvordan denne utvandringen har formet både Norge og mottakerlandene. Temaet «HJEM» åpner opp for refleksjon rundt hva hjem betyr når det kan endres eller flyttes. Selv om folk forlater et sted, forblir hjemmet sentralt i identiteten.