Hand drawn sound  for the oscilloscope

Korleis høyrast handteikna lyd ut? Her presenterer vi ein heilt ny måte å skape musikk, der lyden genererast frå enkle strekteikningar. Prosjektet er skapt av animatør og komponist Trygve Selnes Nilsen.

Trygve Nielsen: animasjon/synth
Eilif Hensvold: gitar og vokal
Tuva Synnevåg: Animasjon

Frå tidleg femtital har det blitt laga elektronisk kunst ved å sende lydbølger til eit oscilloskop og ta bilete av figurane som oppstår på skjermen. Det siste tiåret har det blitt laga programvare som snur denne prosessen - der ein med oscilloskopens logikk tar omrisset av visuelle 3d modellar og gjer dei om til lydbølger.

I prosjektet handteikna lyd har kunstnerne laga handteikna animasjonar og brukt same teknologi til å gjere linjene får desse om til lyd. Intensjonen har vore å høyre kva type lyd og musikk vi kan skape med ein handteikna strek og å utforske ein ny arbeidsmetode for å skape audiovisuell kunst.

På konserten spelast den teikna lyden som samplingar i samspel med andre instrument. Det samla signalet sendast, samstundes som vi høyrar det, til oscilloskopet og vidare til ein projektor.

Dette er litt vrient å forklare, det bør oppleves:)