Konsert med Blue Horn Jazzband og Marilyn Keller (USA)

OTRØY KYRKJE
Blue Horn Jazzband og amerikanske Marilyn Keller gjesta Otrøy Kyrkje i 2010 der det og vart innspela ein live CD frå konserten. Bandet som har base i Sykkylven, men med medlemer frå Volda, Ålesund og Langevåg, har sidan vore vertskap for Marilyn fleire gongar. Denne gongen var det uttrykt ynskje om å kome tilbake til Otrøy kyrkje som har ein fin akustikk som høver godt for denne musikken.

Marilyn er kjend som ein stor vokalist med ei levande og god formidling. Ho er fast tilknytta The Augusta Lutheran Church i Portland med eige orkester. Men syng og med ei rekke amerikanske orkester og har vore på turnear i Europa, spesielt i Sverike og Danmark. Marilyn vil og synge saman med bandets faste sangerinne, Margrethe Velle Ødegård.

Frå starten i 1997 har Blue Horn Jazzband markert seg med eit godt kyrkjerepertoar som spenner fra New Orleans via gospel til norske salmer krydra med glimt frå klassisk jazz. Bandet vert sagt å vere prega av godt samspel og fine vokale og instrumentale prestasjonar.