ÅSU Bedriftsbesøk Myklebust verft og REM Offshore AS

TO VIKTIGE BEDRIFTER I DEN MARITIME KLYNGA PÅ MØRE

Vi inviterer til bedriftsbesøk til to sentrale bedrifter i den maritime klynga, den viktigaste næringsklynga i vårt område, Myklebust Verft AS i Gursken og Rem Offshore AS i Fosnavåg 22. oktober. - Opplegget vert etter same malen som turen til Hellesylt i slutten av april med buss frå Moa kl 09.00.
Vi plukkar opp Jarle Gjerde, tidlegare adm. dir. på Myklebust Verft AS, Kleven Verft AS og Hareid Elektriske AS på Hareid. Han vil orientere om næringslivet i Hareid, Ulstein, Sand og Herøy.
Framme i Gursken vil vi besøke Myklebust Verft AS, ei hjørnesteinsbedrift i Sande kommune.
Etter omvisning og orientering køyrer vi vidare til Fosnavåg der vi får servert gulrot -og søtpotetsuppe med brød til på Madelynn Coffee kl 13.00.
Etter lunch vil vi besøke Rem Offshore AS og høyre korleis dei har klart å reise seg etter kollapsen i offshore-marknaden i 2014.
Etter besøket hos Rem Offshore returnerer vi tilbake til Moa og reknar med å vere tilbake ca. kl. 17.00.
Prisen for turen med lunch inkludert vert kr. 600,-.
Maks 30 deltakarar. Tildeling av plassar basert på prinsippet om «først til mølla».