Kva skal me gjere med det?

8. mars inviterer Medvind og Fikse næringsforening til Kvinnedagen på Fugl Fønix i Etne. Me tek tempen på fem utfordringar som norske kvinner står ovanfor i dag. Kva handlar det om og viktigast av alt: kva skal me gjere med det?
Fem lokale kvinner blir inviterte opp på scena til ein minisamtale på femten minutt kvar med konferansier Inga Klokkerstuen Wangensteen, før alle samlast i ein panelsamtale.

Her er det du får høyre om!

1. Erle Mæland Aasheim om temaet "Toppsjef og tidsklemma". I Noreg er fortsatt kun 17,5% (2024) av daglege leiarar kvinner og kun ein fjerdedel av kvinner ønskjer leiaransvar mot over ein tredjedel av menn. Kvifor er det slik og kan me gjere noko med det?

2. Ordførar Mette Heidi Bergsvåg Ekrheim om temaet "Ordførar og ordskifte". Rundt ein tredjedel av norske politikere opplever uønska oppmerksomheit, som hets og sjikane. Mange vel å forlate politikken og fleirtalet er kvinner. Kvinner møter også meir verbal og kjønnsretta hets, medan menn blir kritisert for sak. Korleis er det å vere kvinneleg politikar lokalt i Noreg og korleis kan me skape eit betre ordskifte?

3. Baidaa Shamkha Alhamdan om temaet "Flyktning og fridom". Kvinner som har komt til Noreg som flyktningar har lågare sysselsettingsgrad enn andre grupper. Korleis er det å skape eit nytt liv som kvinne i Noreg? Korleis har det vore å komme inn på den norske arbeidsmarknaden for ei som har gjort det? Kva råd har ho?

4. Kommunelege og samfunnsmedisinar Elisabeth Selland Winterthun om temaet "Lege og langtidsfråver". Kvinner har større risiko for å bli sjuke og sjukemelde i Noreg. Kvifor er det slik? Bør me skamme oss eller ligg noko av skulda i korleis livet og arbeidslivet er skrudd saman i 2026? Kva kan me gjere?

5. Seksjonsleiar ved Etne og Vindafjord politikammer, Kari Rørtveit om temaet "Politi og partnervold". Ferske tal viser ein auke i valdtekt og partnarvald i Noreg. Over 1 av 10 norske kvinner opplever dette og det er eit stort samfunnsproblem i Noreg. Kvifor ser me ein auke og kva kan me gjere?

Velkommen til ein meiningsfull og interessant kveld!