Det vert med dette invitert til bedriftsbesøk til to sentrale fiskeribedrifter i Noreg sin fiskerihovudstad, Ålesund, Strand Rederi AS på Aspøya og Bødrene Sperre AS på Ellingsøya.
Opplegget vert etter same malen som turen til Hellesylt i slutten av april og Gursken / Fosnavåg i oktober med buss frå Moa kl 09.00.
Med på turen vert Sveinung Flem, tidlegare adm. dir. i Sunnmøre og Romsdal Fiskesalslag (SUROFI) og regionsjef i DNB . I tillegg har han ei rekke styreverv i den maritime klynga på Møre. Han vil orientere om fiskerinæringa i området sett både frå båtsida og landsida og ringverknadane for vår region.

Framme ved kaia til Strand Rederi i Kjøpmannsgata går vi om bord i eit av reiarlaget sine ringnotfartøy der vi vil få ei omvising og orientering om reiarlaget sin historie, utvikling og utfordringar av dagleg leiar Janne-Grethe Strand Aasnæs.

Ferdig med omvising og orientering køyrer vi til Quality Hotell Waterfront der vi vert servert lunch med steikt svinenakke med rotgrønnsaker, potetpuré og rødvinsaus som hovudrett og brownie med vaniljeis og ein frisk bærsaus til dessert.

Etter lunch køyrer vi vidare til Brødrene Sperre sitt anlegg på Ellingsøya der vi blir møtt av adm. dir. Inger-Marie Sperre som vil gi oss ei orientering om Brødrene Sperre si utviklinga frå eit mindre fiskeforedlings-anlegg til eit av våre leiande sjømatkonsern. Ho vil og kome inn på utfordringane med fallande kvoter og den sterke konkurransen om råstoff.

Etter besøket hos Brødrene Sperre returnerer vi tilbake til Moa og reknar med å vere tilbake ca. kl. 16.00. - Prisen for turen med lunch inkludert vert kr. 650 Det er eit tak på maks 30 deltakarar. Tildeling av plassar basert på prinsippet om «først til mølla».