Harpefoss hotell

Konsertprogrammet for Salong Fossen er kuratert av folkemusikarane Helga Myhr og Rasmus Kjorstad. Dei ynskjer å presentere utøvarar som er nasjonalt og internasjonalt anerkjende, og slik bidra til ein stadig rikare og meir mangfaldig musikkscene i Gudbrandsdalen. Helga Myhr og Rasmus Kjorstad er begge aktive musikarar i fleire samanhengar (Morgonrode, Kjorstad Brothers, Reolô, Kvedarkvintetten), og med den allsidige musikkbakgrunnen har dei eit ønskje om å trekkje gode musikarar og band til Harpefoss og Salong Fossen som ein attraktiv konsertarena.