Releasekonsert: Bjarne Bergheim – «Vi treng ikkje prate»

Fredag 16. oktober slepper eg den tredje singelen min, «Vi treng ikkje prate», og inviterer i den anledning til to intime releasekonsertar på Elvesus.

«Vi treng ikkje prate» handlar om det å vere der for nokon ein er glad i når livet er vanskeleg.

Nokre gongar kan det som gjer vondt vere for vanskeleg å setje ord på. Då treng ein kanskje ikkje dei rette spørsmåla eller dei rette svara. Kanskje det viktigaste først og fremst er å vere der. Å sitje saman. Å vise at ingen treng å stå i det åleine.

På releasekonserten får du høyre «Vi treng ikkje prate» live, saman med tidlegare utgitte låtar og fleire songar frå det kommande albumet mitt «Calm Blue».

Denne kvelden har eg med meg Erlend Os på piano, og saman ønskjer vi å skape ein roleg, nær og intim kveld der ein kan senke skuldrene, lytte til musikken og få høyre historiene bak låtane.

Det blir to konsertar denne kvelden:

18:00
20:30

Elvesus, Veslesus-lokalet
Fredag 16. oktober

Early bird: 100 kr til og med 13. september
Ordinær billett frå 14. september: 150 kr

Det er avgrensa med plassar på kvar konsert.

Håpar vi sjåast

Bjarne Bergheim