Hekate (NO) er ein vokaltrio beståande av Malin Alander, Silje Risdal Liahagen og Synnøve Brøndbo Plassen, tre songarar som alle har utmerka seg som soloartistar på den norske musikkscena. Dei slapp sitt debutalbum på Grappa/ Heilo i juni 2025, med Martin Langlie som produsent.

No har dei slått seg saman for å ta den tradisjonelle dansemusikken i ein ny retning med kompromisslaus kveding i klubbsetting. Med materiale frå heile landet som utgangspunkt, tek dei slåttemusikken på nye vegar gjennom improvisasjon, kraftfulle klangar og heftig tramp. Målet er at publikum ikkje har sjans til å stå stille når dei sett i gang.

Dei hadde sin debutkonsert på Tuvas Blodklubb på Riksscenen, og skapte der eit rom med dans, lytting og begeistring for slåttemusikken. Sidan då har dei vore eit heitt samtaleemne i folkemusikkmiljøet i Norge og spelt på m.a Motvindfestivalen, Hausmania Kulturhus, Columbi Egg og Folkelarm.

Hekate er:

Malin Alander

Silje Risdal Liahagen

Synnøve Brøndbo Plassen

Foto: Guro Sommer