Rjånes Live - Ein kveld der vi fyller Rjånes med levande musikk, god stemning og artistar vi verkeleg gler oss til å få på scena. Her skal vi samlast, senke skuldrane og nyte ein skikkeleg god konsertkveld i lag!

Denne kvelden får du oppleve Egil Olsen, Baarelaget og BokkeReidars - tre artistar med kvart sitt uttrykk som saman skapar ein variert og stemningsfull kveld på Rjånes.

Egil Olsen er ein allsidig artist og låtskrivar med ein heilt eigen stil og sterk sans for gode melodiar. Musikken hans balanserer det vare og melankolske med humor, varme og glimt i auget. På scena skaper han ei nær og personleg stemning, med låtar som både kan røre og overraske. Dette er ein artist som leverer ekte speleglede og god formidling – på sin heilt eigne måte.

Sunnmøre Baarelag har halde det gåande sidan 1980 og har over 2000 konsertar bak seg. Bandet er framleis «live and kicking», og i 2026 er dei aktuelle med ny musikk og låtane «Idiot» og «Målet vårt». Dette er sunnmørsk rockehistorie – framleis høglydt, leiken og høgst levande.

BokkeReidars har over 40 års fartstid og er det lengstlevande bandet i sin sjanger i Noreg. Musikken er ein energisk miks av blues, funk, salsa og ska, krydra med nynorske tekstar. Med nostalgisk trøkk og ekstrem speleglede er dette eit band som verkeleg trivst på scena. Gjer deg klar for BokkeReidars i festmodus – med live-musikk du vil kjenne langt inn i ryggmargen!

20.00: Egil Olsen
21.15: Baarelaget
22.45: BokkeReidars Blues Band

Ta med deg gode vener, finn deg noko godt i glaset og gjer deg klar for ein kveld med levande musikk og skikkeleg god stemning!